“Krasnoe Sormovo” zavodunun muzeyində sualtı gəmiqayırmaya aid salon açılıb
Nijni Novqorod şəhərində fəaliyyət göstərən muzeydə açılmış salon sualtı qayığın interyerini xatırladır.
"Seanews.az" xəbər verir ki, açılış zavodda sualtı gəmi inşaatının 90 illik yubileyi və şirkətin ad gününə təsadüf edir.
Nijni Novqorod sakinləri yerli zavodda hazırlanmış ilk sualtı qayıqları, həmçinin dənizdə xilasetmə vasitələrini görə biləcəklər. Bundan əlavə, sərgiyə gələnlər Böyük Vətən Müharibəsi illərində iştirak etmiş sualtı qayıqların heyətləri və dənizçilər haqqında məlumat əldə edə biləcəklər.
Muzey salonunun interyeri ziyarətçilərin özlərini sualtı qayıqda təsəvvür etmələrinə kömək edir.
Sərginin təntənəli açılışında “Krasnoe Sormovo” zavodunun baş direktoru Mixail Perşin zavodda sualtı gəmi inşaatının 90 illik yubileyi və şirkətin ad günü münasibətilə çıxış edib:
“Zavodun ümumi tarixi ərzində burada, Sormovoda 300-dən çox sualtı qayıq inşa edilib. Bu müəssisənin həyatında çox vacib bir dövrdür. Bu gün zavodun ad günündə sualtı gəmiqayırma üçün yeni bir salon açılması təsadüfi deyil. Zavodumuzda sualtı qayıqların inşasında iştirak edən hər kəsə təşəkkür etmək istəyirəm. Bu, həqiqətən çətin və bəşəri bir işdir”.
