Vyetnam limanında gəmi aşıb, konteynerlər suya dağılıb
Vyetnamın Xoşimin limanında böyük yüklərin daşınması üçün nəzərdə tutulan “Alica” adlı gəmi aşıb.
"Seanews.az" xəbər verir ki, gəmi dayanıqlığını itirdiyindən onun göyərtəsindəki 18 konteyner sürüşüb.
Yanalma kəndirlərinin köməyi ilə gəmini suyun üzərində saxlamaq mümkün olub. Hadisə zamanı zərərçəkənlərin olması barədə məlumat verilmir.
Yerli dəniz administrasiyası yaxınlıqdan keçən gəmilərə çayın üzərində hələ də konteynerlərin olması barədə xəbərdarlıq edib.
1987-ci ildə Monqolustanda qeydiyyata alınan 2,5 ton dedveytə malik “Alica”-nı hadisə zamanı İndoneziyaya səfər etmək üçün hazırlayırdılar.
© Materiallardan istifadə edərkən hiperlinklə istinad olunmalıdır
