Dənizçilərin peyvəndlənməsi üçün mərkəzlər yaradılacaq
Hamburq Limanı və Kipr dənizçilər arasında "COVİD 19"-a qarşı peyvəndlənmə prosesinin daha da gücləndirilməsi məqsədilə xüsusi mərkəzlər yaradacaq.
“Seanews.az” xəbər verir ki, hazırda Hamburq limanının tibb mərkəzində xarici ölkələrin dənizçiləri də peyvəndlənir.
Kipr Respublikası Gəmiçiliyi Nazirliyi Kipr bayrağı altında üzən gəmilərin heyət üzvlərinin "COVİD 19"-a qarşı peyvəndlənməsini əks etdirən plan hazırlayıb. Təlimata görə, gəminin durduğu yerdən və verilən sertifikatlardan asılı olmayaraq Kipr bayrağı ilə üzən gəmilərdə işləyən bütün dənizçilər peyvənd olunacaqlar. Bununla yanaşı, Kiprlə yaxından əlaqəli olan və buranın limanlarına daxil olan gəmilərin heyət üzvləri üçün də peyvəndlər əlçatan olacaq.
Kipr hazırda ziyarətə gələn bütün dənizçilər üçün peyvənd mərkəzi təsis etmək imkanlarını araşdırır.
Xatırladaq ki, Kipr dənizçiləri əsas işçilər kimi tanıyan və rəsmi heyət dəyişikliyi prosesi həyata keçirən ilk ölkələrdən biri idi. Bu tədbirlər sayəsində 2020-ci ilin mayından 20 mindən çox dənizçi öz vətəninə və ya işlərinə qayıda bilib.
