Dubayın Cəbal Əli limanında güclü partlayış baş verib
Dubayın Cəbəl-Əli limanında güclü partlayış olub.
"Seanews.az" xəbər verir ki, partlayışa limanda lövbər salmış gəmi səbəb olub.
Əmirlik hakimiyyəti də adıçəkilən limanda Mülki Müdafiə qüvvələrinin alovla mübarizə apardığını bildirib. Dubay Mülki Müdafiə İdarəsinin məlumatında bildirilir ki, partlayış nəticəsində yaralanan və ya ölən yoxdur.
Xatırladaq ki, ötən il avqustun 4-də Livanın paytaxtı Beyrutda da güclü partlayış olmuşdu. Biri digərindən güclü olan iki partlayış şəhərin liman hissəsində yerləşən anbar binalarında baş vermişdi.
İlkin versiyaya görə, limanda 2750 ton ammonium nitrat (həmçinin ammonyak selitrası kimi tanınır) saxlanılırmış. Seysmoloji stansiyalar Rixter şkalası üzrə təxminən 5 ballıq partlayış gücünü qeydə almışdı. Həmin hadisədə 171 nəfər ölmüşdü.
© Materiallardan istifadə edərkən hiperlinklə istinad olunmalıdır
